Om jai shree shyam hare, baba jai shree shyam hare

Khatu dham birajat, anupam roop dhare, om jai shree shyam hare…

Ratan jadit singhasan, sar per chanvar dhule

Tan kehariya bago, kundal shravan pade, om jai shree shyam hare…

Gal pushpon ki maala, sir per mukut dhare

Khevat dhoop, agni par, deepak jyoti jale, om jai shree shyam hare…

Modak, kheer, choorma, suvaran thaal bhare,

Seval bhog lagavat, seva nitya kare, om jai shree shyam hare…

Jhanj, katora aur ghadiyaval, shankh mridang ghure,

Bhakt aarti gaave, jai jai kaar kare, om jai shree shyam hare…

Jo dhyave fal paave, sab dukh se ubre,

Sevak jan nij mukhse, shree shyam shyam uchre, om jai shree shyam hare…

Shree shyam bihariji ki aarti, jo koi nar gaave

Kehat sudhir agyaani, manvanchit fal paave, om jai shree shyam hare…

Om jai shree shyam hare, baba jai shree shyam hare,

Nij bhaktom ke tumne, pooran kaaj kare, om jai shree shyam hare…